ഭ്രാന്ത്

മോണാലിസ,
നിനക്ക് ഈ പേരുതന്നെയാണ് ഉചിതം
നീ കാല്‍പനികതയുടെ വിഗ്രഹമാണ്‌, അതുകൊണ്ട് .
അറിഞ്ഞില്ല ഞാന്‍ ,
ഉടച്ചത് നിന്റെ പ്രീയപ്പെട്ട പളുങ്കുപാത്രമെന്നു .
ഭ്രാന്തിനു കാലബോധമില്ല , ഭ്രാന്തനും ...!
ഞാന്‍ കരുതി മോണാലിസ,
നീ കാത്തുവച്ചത് ഒക്കെയും എന്റെതെന്നു ...!
ഭ്രാന്ത് ...
അല്ലാതെ മറ്റെന്താണ് ഇതിനുപേര് ...!
അറിഞ്ഞില്ല ...ഞാന്‍ നിന്റെ മനസ്സിലെ നീറ്റല്‍ ആകുമെന്ന് ...!
ഭ്രാന്ത് ആഗ്രഹങ്ങളുടെ സുനാമിത്തിരകള്‍ ആണ് ...!
മൊണാലിസാ നീ ക്ഷെമിക്കില്ലേ ...എന്റെ ഭ്രാന്തിന് ...?
കഴിയില്ല , എനിക്കറിയാം ...
ഞാന്‍ ഉടച്ചത് നിന്റെ പവിത്രമായ സ്നേഹത്തെയാണ് ...!
അറിയില്ല ഭ്രാന്തിന് , ഭ്രാന്തനും ...
സ്നേഹം പവിത്രമാണെന്നും , സ്നേഹിത പവിത്രയാണെന്നും
മൊണാലിസാ , ഉടച്ചത് വീണ്ടെടുക്കാന്‍ എനിക്കാവില്ല ,
നിനക്കും ...!
നിന്റെ കണ്ണിലെ പ്രകാശം എന്നെ ഉരുക്കുന്നു ...
ഞാന്‍ ദഹിക്കുന്നു ...!
മൊണാലിസാ ... നീ ക്ഷെമിക്കുക...
ഞാന്‍ ഉടച്ചത് നിന്റെ പവിത്രതയാണ് ...!